Қазақстандық ММА жанкүйерлері үшін қуанышты жаңалық – бұрынғы OCTAGON чемпионы, отандық октагондағы ең мықты жас жекпе-жек шеберлерінің бірі Сүндет Айтқұл беделді UAE Warriors лигасымен келісімшартқа отырды.
26 жастағы Түркістан облысының тумасы өзінің алғашқы кездесуін 22 қазанда UAE Warriors 64 турнирінде өткізеді. Оның қарсыласы – тәжірибесі мол бразилиялық файтер Гуидо Сантос, кәсіби мансабында 17 жеңіс, 3 жеңіліс және 1 тең нәтижесі бар.
Қазақ файтері кәсіби ММА-да 11 жеңіс пен 2 жеңіліске ие. Ол еліміздегі ең мықты грэпплерлердің қатарында саналады. Соңғы жекпе-жегін Сүндет Айтқұл 2025 жылдың мамыр айында OCTAGON 73 турнирінде өткізді. Сол кезде бразилиялық Жоао Педро Сальдануды (14-5) бірінші раундта қылғындыру әдісімен жеңіп, жанкүйерлерін тәнті етті.
