Бахрейнде өтіп жатқан ІІІ Жасөспірімдер Азия ойындарында қазақстандық балуан Аиша Алтай ел намысын асқақтатты.
70 келіге дейінгі салмақ дәрежесінде өнер көрсеткен Аиша Алтай сәтті жеребеден кейін бірден жартылай финалға шықты. Онда ол Моңғолия өкілі Буйянжаргал Хадбаатармен белдесіп, кездесуді небәрі 20 секундта мерзімінен бұрын аяқтап, таза жеңіске жетті.
Финалда қазақстандық спортшы Өзбекстан атынан сынға түскен Шохиста Тураевамен кездесіп, жоғары деңгейдегі техникалық шеберлігін көрсетті. Белдесу барысында Аиша қолданған ерекше әдіс «юко» бағасымен есептеліп, оған алтын медаль әперді.
