UFC жауынгері Асу Алмабаев алдағы Doha UFC Fight Night турниріне дайындықты аяқтау үшін Катарға аттанды.
DarTeam-нің Instagram парақшасында жарияланған суретте Алмабаевпен бірге оның бас бапкері Эдуард Базров, UFC файтері Әліби Ыдырыс және әлем чемпионы Санжар Әділов көрінеді. Кадр әуежайда, ұшар сәттің алдында түсірілген.
«Біздің команда мүшесі Асу Алмабаев бүгін Катарға жол тартты. Ол 21 қарашада өтетін UFC жекпе-жегіне дейінгі соңғы оқу-жаттығу жиынын өткізеді. Онымен бірге бапкерлер мен спарринг серіктестері Әліби Ыдырыс пен Санжар Әділов те барады», — деп жазылған DarTeam парақшасында.
22 қараша күні Дохада өтетін UFC Fight Night турнирінде Асу Алмабаев ең жеңіл салмақ дәрежесінде АҚШ спортшысы, бұрынғы титул үміткері Алекс Переспен кездеседі.
Асу Алмабаев соңғы жылдары UFC-де нақты прогресс көрсетіп келе жатқан қазақстандық спортшылардың бірі. Ол октагонда жылдамдық пен техникасымен ерекшеленеді, ал жанкүйерлер оны «қазақ мақтанышы» деп атап жүр.
