UFC Fight Night 263: Garcia vs. Onama турнирінде белгілі бір жекпе-жекке байланысты букмекерлік күдік туындады.
Күмән тудырған кездесу кубиналық Ядьер Дель Валле (10–0) мен америкалық Исаак Дулгариан (7–2) арасындағы айқас болды.
Инсайдерлер мен әлеуметтік желі қолданушыларының мәліметінше, жекпе-жек басталардан бір сағат бұрын букмекерлік желілерде күрт өзгеріс байқалған.
Көптеген ірі ставкалар Дель Валле бірінші раундта жеңіске жетеді деген болжамға бағытталған.
Бұл жағдай бұрын ешқашан мерзімінен бұрын ұтылмаған Дулгарианға қатысты күдік тудырды. Күтпеген белсенділіктен кейін букмекерлер жекпе-жекке ставкаларды қабылдауды уақытша тоқтатқан.
Күдік одан сайын күшейе түсті. Себебі Дель Валле дәл солай — бірінші раундта жеңіске жетті.
Жекпе-жек 3 минут 41 секундта аяқталып, Дулгариан берілуге мәжбүр болды.
Бұл сәйкестік спорт қауымдастығында «алдын ала келісілген нәтиже» болуы мүмкін деген пікірлер туғызды.
Қазір бұл жағдай UFC басшылығына және атлетикалық комиссияға жолдануы мүмкін.
Ресми тергеу басталса, оқиға жекпе-жекті әдейі сатып өткізу әрекеті ретінде қарастырылмақ.
Мұндай жағдайлар спорттық этика мен ұйымның беделіне тікелей қауіп төндіреді.
