АҚШ-та өткен кәсіби бокс кешінің басты жекпе-жегінде жартылай орта салмақтағы уақытша WBC чемпионы кіші-Верджил Ортис бұрынғы IBF рейтингінің бірінші нөмірі Эриксон Любинді айқын жеңіспен тізе бүктірді.
Ортис бірінші раундтан бастап рингте толық басымдық танытты. Любин аяқпен жұмыс жасаудан бас тартып, қарсыласының қысымына төтеп бере алмады. Екінші раундта Ортис оң қолымен бірнеше ауыр соққы жасап, қарсыласын қатты сілкіндірді. Осы сәттен кейін рефери айқасты тоқтатуға мәжбүр болды — техникалық нокаут тіркелді.
27 жастағы америкалық Верджил Ортис бүгінде The Ring журналының жартылай орта салмақ рейтингінде бірінші орынды иеленіп отыр — бұл оны қазіргі әлем чемпиондарының барлығынан жоғары қояды.
Жекпе-жектен кейін рингке уақытша WBA чемпионы Джерон Эннис көтеріліп, Ортиске келесі жылы айқас өткізуге дайын екенін мәлімдеді.
Сол кеште орта салмақта Дариуш Фулджам мен Дэвид Стивенс тең түсіп, судьялардың шешімі бойынша есеп 95-95, 95-95, 96-94 болып тіркелді.
Ал 32 жастағы Робин Сафар, былтыр атақты Сергей Ковалевті жеңген боксшы, өз жеңісті сериясын жалғастырып, жеңіліп көрмеген кіші-Деррик Миллерді төрешілердің бір ауыздан шешімімен жеңді.
