Артём Резников топ-лигада жекпе-жек өткізеді: уақыты белгілі

Артёмның айтуынша, оның октагонға оралуы 8 ақпанға жоспарланған.

"Келісімшарт жіберілді, шарттары жақсы. Төрт жекпе-жекке арналған. Екі жыл — төрт жекпе-жек. Бірақ мен жыл сайын үш рет шыққым келеді, екі рет аз. Қазір салмағым да оңтайлы — 83 келі. Бұрын 87-88 кг болғанда, жылына үш рет жекпе-жек өткізу өте қиын еді. Енді еркін түрде жылына үш рет 70 кг салмаққа түсе аламын. Оның үстіне, қазір салмақ лимитіне 500 грамм қосылды — 71,3 кг. Сол қосымша 500 граммның өзі қатты сезіледі," — деді Резников.

— Біз жекпе-жек күнін білеміз — ACA 200, 8 ақпан. Бірақ қарсыластың есімі әлі жарияланған жоқ. Қашан хабарланады?

"Әзірге білмеймін, бұл шешімді Асланбек пен ACA қабылдайды. Магомед пен Асланбек – анонстарды қашан шығаратынын солар шешеді."

— Бұл жолы да бразилиялық беймәлім емес, тағы бір мықты кавказдық па?

"Иә. Жақсы, қызықты жекпе-жек болады. Бұл да сөйлей білетін, сәл батылдау кавказдық. Жекпе-жекті қыздыруға болатын қарсылас," — деді Артём.

Еске сала кетсек, Артём Резниковтың соңғы жекпе-жегі қыркүйекте Алматыда өткен ACA 192 турнирінде өтті. Онда ол үшінші раундта техникалық нокаутпен бразилиялық Рауш Манфионы жеңген болатын.