Париж-2024 Олимпиадасының чемпионы, қазақ дзюдосының айқын лидері Елдос Сметов 2028 жылы Лос-Анджелесте өтетін Олимпиада ойындарына қатысты жоспарын айтты.
Сметовтың айтуынша, ол Олимпиада-2028 үшін дайындық жүргізіп жатыр, алайда оның қатысатынына 100% сенім жоқ.
«Біздің жоспар — төртінші Олимпиадаға жолдама алу. Бірақ мұнда нақты кепіл жоқ. Өзім дайындалып жүрмін, ниет бар. Дегенмен спортта ештеңе анық емес», — деді ол.
Тәжірибелі спортшы жас дзюдошылардың қарқыны жоғары екенін атап өтті.
«Біздің ізімізден талай мықты жастар шығып келеді. Мүмкін, солардың бірі өзін көрсетіп, орын алады. Егер біреу шын мықты болса — оған ешкім кедергі жасамайды. Олимпиадаға атақ үшін емес, күшіңмен барасың», — деп түсіндірді чемпион.
Елдос Сметов спорттағы басты қағиданы еске салды — төселген жолмен емес, нәтижемен бару.
«Бұл — спорт. Мұнда тек дәлелдеген, формасын көрсеткен адам ғана жолдамаға ие болады. Сондықтан бәрі әділ», — деді ол.
Елдос Сметов — Қазақстан мен Орталық Азия тарихындағы алғашқы Олимпиада чемпионы (дзюдо). Ол Олимпиада ойындарындағы барлық деңгейдегі медальді иеленген жалғыз қазақстандық дзюдошы:
