"Мақсатым – жеңістің кілтін табу": Асу Алмабаевтың қарсыласы өз жоспарымен бөлісті

Америкалық UFC жауынгері Алекс Перес (25-9) алдағы демалыс күндері қазақстандық Асу Алмабаевқа (22-3) қарсы өтетін жекпе-жекке қатысты өз күтулерін бөлісті.

"Бұл жақсы жекпе-жек болады, екеуіміз де — мықты күресші және грэпплерлерміз. Бірақ мен оның күресі жайлы уайымдамаймын, ол да менікін уайымдамайды деп ойлаймын. Әдетте, оған да, маған да «сенің күресің жақсы» деп айтатын шығар. Маған тек жекпе-жектің қалай өрбитінін көрген қызық. Ол мықты қарсыластармен айқасты, рейтингте тұр. Бұл жұмбақты шешуге асығып отырмын. Бұған дейін оны тек 3–4 жігіт қана жеңе алды, соңғысы — Манел [Капе]. Сондықтан мен оған қарсы кілт тауып, жеңіске жетуді мақсат тұтып отырмын, ары қарай не боларын көре жатармыз", — деді Перес журналист Марсель Дорффқа берген сұхбатында.

Естеріңізге сала кетейік, Алмабаев пен Перес 22 қарашада Катардың Доха қаласында өтетін UFC Fight Night турнирі аясында октагонға шығады.