Нұрбек Мұрсал Нью-Делиде (Үндістан) өткен World Boxing ұйымдастырған бокстан әлем кубогының соңғы кезеңінде финалдық жекпе-жекке шықты.
70 келі салмақ дәрежесінде өткен шешуші айқаста Мұрсал жергілікті боксшы Хитешке қарсы жұдырықтасты. Үш раундқа созылған өте шиеленісті жекпе-жек төрешілердің 3:2 есебімен қабылданған бөлек шешімімен үнді спортшысының пайдасына түсті.
Нәтижесінде Хитеш турнир чемпионы атанса, Нұрбек Мұрсал күміс медальмен шектелді.
Айта кету керек, Мұрсал финалға шығу жолында 2021 жылғы әлем чемпионы, украиналық Юрий Захарьевті сенсациялық түрде жеңіп өткен еді. Бұл оның турнирдегі басты жетістіктерінің бірі саналады.
