Бонус 10 000 тг

Лицензия №23019645 от 06.09.2023

Бонус 300 000 тг

Лицензия №24358082 от 25.07.2024

"Ел Clasico" жобасы

Футбол. Эмоция. Шоу

«11 жылдан кейінгі реванш»: Қазақстан – Өзбекстан дуэлі достықпен аяқталды

Сарапшы, спорт журналисі

Қазақстан мен Өзбекстан боксшыларының 11 жыл бұрын басталған текетіресі тағы да жалғасты. Ташкенттегі оқу-жаттығу жиынында рингке Абылайхан Жүсіпов пен жергілікті жұлдыз Икболжон Холдаров шығып, көптен күткен «реванш» спаррингі өтті.

«11 жылдан кейінгі реванш»: Қазақстан – Өзбекстан дуэлі достықпен аяқталды
instagram/@jussupov_ablaikhan

11 жыл бұрынғы жартылай финалдан басталған тарих

Қос боксшының алғашқы ресми кездесуі 2014 жылы Болгарияның София қаласында өткен жастар арасындағы әлем чемпионатында болған.

Ол кезде 60 келіге дейінгі салмақтағы жартылай финалда Абылайхан Жүсіпов төрешілер шешімімен жеңіске жетіп, финалға жолдама алған еді. Кейін Жүсіпов сол турнирдің әлем чемпионы атанды.

Содан бері боксшылар да ересектер деңгейінде беделді турнирлерде олжа салып, құрлықтық және әлем біріншіліктерінің жүлдегеріне айналды.

Спарринг: жеңімпаздан гөрі, мағынасы маңызды жекпе-жек

Ташкенттегі оқу-жаттығу жиыны аясындағы бұл спарринг ресми жекпе-жек емес, бірақ символдық мағынасы зор кездесу болды.

Екі елдің үздік боксшылары рингте қайта жолыққан сәтін Өзбекстан құрамасының бапкері Тулкин Киличев видеоның соңында қысқа ғана сөзбен түйіндеді:

«11 жылдан кейін достық жеңді».

Яғни бұл жолы басты нәтиже – кімнің көбірек соққы дарытқаны емес, Қазақстан мен Өзбекстан бокс мектептерінің өзара қарым-қатынасы мен спорттық құрметі болды.

Жүсіпов пен Холдаровтың жолы: Азиядан әлемге дейін

Софиядан кейінгі 11 жылда екі боксшы да өз елінің символына айналды:

Абылайхан Жүсіпов:

  • Әлем чемпионаттарының үш дүркін жүлдегері;
  • Азия чемпионы, құрлықтық біріншілікте алтын мен күміс медаль иегері;
  • Ұлттық құраманың көшбасшыларының бірі, капитандыққа лайық есімдердің қатарында.

Икболжон Холдаров:

  • Азия чемпионы;
  • Әлем біріншілігінің күміс жүлдегері;
  • Өзбек боксының жаңа буын жұлдыздарының бірі.

Олардың Ташкенттегі кездесуін жанкүйерлер «София-2014-тің жалғасы» деп қабылдады.

Бұл туралы не ойлайсыз?

👍 0
👎 0
😂 0
😡 0

Серіктес жаңалықтары

×
Футбол Теннис Жекпе-жек Хоккей Жаңалықтар Авто Бәрі-бір