Кәсіпқой бокстан бұрынғы әлем чемпионы Энтони Джошуа рингтен біржола кетуі ықтимал. Бұл туралы оның көкесі Адедамола Джошуа отбасы ішіндегі әңгімеге сүйеніп айтқан.
Нигериялық The Punch басылымына берген пікірінде Адедамола Джошуа отбасы үшін әр жекпе-жектің эмоционалды түрде ауыр өтетінін, ал соңғы оқиғалардан кейін Энтонидің мансапты тоқтатуды ойластырып жүргенін жеткізген.
Джошуаның өзі ресми түрде зейнетке шыққаны туралы сенімді дерек жоқ. Ақпарат негізінен туысының сөзіне сүйенеді.
БАҚ мәліметінше, Джошуа 2025 жылғы 29 желтоқсанда Нигериядағы Лагос–Ибадан тасжолында жол апатына түскен. Оның Lexus көлігі жолда тұрған жүк көлігіне соғылған. Оқиға салдарынан боксшының екі жақын адамы қаза тауып, Джошуаның өзі ауруханаға жеткізілген.
Оқиғадан кейін Джошуаның болашағына қатысты болжам көбейді. Кейбір ақпарат көздері оның рингке қайта оралу жоспары енді белгісіз екенін жазып жатыр.
