Қазақстандық актер әрі ММА файтері Еркебұлан Тоқтар Nomad Wrestling лигасының екі дүркін чемпионы Азамат Бақытовпен спарринг өткізді.
Nomad Wrestling лигасының Instagram-парақшасында Тоқтардың бастапқы кезеңдегі спаррингтерінің бірінен үзінді видео жарияланды. Кадрлардан кәсіби грэпплер саналатын Азамат Бақытовтың бауыр тұсынан бағытталған соққымен Еркебұлан Тоқтарды нокдаунға жібергені және кейінгі сәттерде айқын басымдық танытқаны байқалады.
Еске салайық, Еркебұлан Тоқтар 26 желтоқсанда Ташкентте бокс ережесімен жекпе-жек өткізген. Ол жергілікті боксшы Тимур Никулинді бірінші раундта нокаутпен жеңді.
Ал Азамат Бақытов соңғы рет 2025 жылғы 12 сәуірде Алматыда Nomad Wrestling екінші Гран-приінің финалында күрес ережесі бойынша белдесті. Ол джиу-джитсудан әлем чемпионы Руслан Исраиловты 10:8 есебімен жеңді.
