Токио Олимпиадасының қола жүлдегері Қамшыбек Қоңқабаев әуесқой бокстағы кезеңін аяқтағаннан кейін қайтадан кәсіпқой рингке оралуды көздеп отыр.
Қамшыбек кәсіпқой бокста бұған дейін де жұдырықтасқан. Ол 2022 жылы профи бағытта өнер көрсетіп үлгерген.
Париждегі Олимпиададан кейін боксшы әуесқойда бір жекпе-жек өткізіп, жеңіліп қалған. Содан бері рингке шықпаған.
Қоңқабаевтың қайта оралуы туралы ақпаратты Қазақстан кәсіпқой бокс федерациясының президенті Рақымжан Ерденбеков жеткізді. Оның айтуынша, Қамшыбекке қазір қызықты ұсыныстар түсіп жатыр, ал Париж Олимпиадасынан кейін спортшы кідіріс жасаған. Бұл туралы sportbugin.kz жазады.
Қамшыбектің кәсіпқой бокстағы статистикасы да назар аударарлық:
Яғни, профи рингте қарсыластарын ерте тоқтатуға қабілетті екенін әлдеқашан дәлелдеген.
Ең қызығы — Қамшыбек Қоңқабаев әлі күнге дейін өзбекстандық Баходир Джалоловты нокаутқа түсірген жалғыз боксшы ретінде аталады. Бұл оқиға 2015 жылы болғаны көрсетілген. Джалолов — Олимпиаданың екі дүркін чемпионы.
