Еркебұлан Тоқтар Ереванда айқасады. Күні мен қарсыласы белгілі
Жекпе-жек 28 наурыз күні Ереванда өтеді. Отандасымыз қырғыз файтерімен күш сынасады.
Қазақстандық актер әрі ММА жауынгері Еркебұлан Тоқтар келесі жекпе-жегін 28 наурыз күні Армения астанасы Ереванда өткізеді. Бұл туралы hype fighting лигасы хабарлады.
Қарсылас кім?
Hype Asia турнирінде қазақстандық спортшының қарсыласы ретінде қырғызстандық Марсель Нұрланбек уулу таңдалды. Ол — кәсіби ММА-де әлі жеңіліп көрмеген файтер.
Кездесу жеңіл салмақта өтеді және ММА қолғаптарымен бокстың ережесі бойынша ұйымдастырылады.
Тоқтардың соңғы жекпе-жегі
Еркебұлан Тоқтар соңғы айқасын 28 желтоқсанда Ташкенттегі "Хумо Аренада" өткізді. Ол кезде қазақстандық файтер өзбекстандық Тимур Никулинді бірінші раундта нокаутқа түсірді. Төреші жекпе-жекті 72-секундта тоқтатып, техникалық нокаут тіркеді.
Қарсыластың соңғы жеңісі
Марсель Нұрланбек уулу соңғы мәрте 2025 жылдың қазан айында Түркістанда өткен Alash Pride FC 113 турнирінде октагонға шықты. Ол жекпе-жекте өзбекстандық Мұхаммадризвон ""Кипиш"" Кахоровты бірінші раундта сабмишнмен жеңген болатын.