Ливерпульде өткен бокс кешінің басты жекпе-жегінде күтпеген нәтиже тіркелді.
АҚШ өкілі Брэндон Фигероа (27-2-1, 20 KO) британиялық Ник Боллды (23-1-1, 13 KO) айқын қысыммен ұтып, WBA нұсқасы бойынша әлем чемпионы атағын тартып алды.
Айқас 12-раундта техникалық нокаутпен (TKO) аяқталды. Соңғы раундта Фигероа қарсыласын ауыр нокдаунға жіберді. Болл орнынан тұрғанымен америкалық боксшы шабуылды үдетіп, тағы бір құлатқаннан кейін төреші жекпе-жекті тоқтатуға мәжбүр болды.
Маңызды деталь: тоқтатылған сәтте Фигероа төрешілер жазбасында да алда тұрғаны айтылады.
