UFC ұйымы күтпеген кадрлық қадамға барып, бірден екі спортшымен қош айтысты.
Инсайдерлік деректерде Алмейданың жақында жаңа келісімшарт алғанына қарамастан ұйымнан шығарылғаны айтылады.
Алмейда соңғы жекпе-жегін UFC Vegas 113 турнирінде өткізіп, ресейлік Ризван Куниевке төрешілердің бір ауыздан шешімімен есе жіберді. MMA Fighting мәліметінше, бұл жеңіліс Алмейданың UFC-дегі келісіміне нүкте қойған.
Екінші күтпеген шешім — Жавид Башараттың UFC ростерінен шығарылуы. Ең қызығы, ол дәл сол UFC Vegas 113 турнирінде мексикалық Джанни Васкеске қарсы айқаста жеңіске жеткен.
MMA Fighting дерегінде Башараттың кетуі “күтпеген” санатқа жатқызылып, оның UFC-дегі көрсеткіші ретінде 4 жеңіс, 2 жеңіліс және 1 no contest нәтижесі аталады.
UFC Vegas 113 турнирінен кейін ұйымның кадрлық саясаты қатаңдай түскені байқалады: бір күннің ішінде бірнеше файтердің ростердегі статусы өзгергені туралы ақпараттар шықты.
