Alash Pride FC 118 ММА турнирінің басты жекпе-жегінде қазақстандық файтер Жәнібек Тыныштық жарқын жеңіске жетіп, лиганың уақытша чемпиондық белбеуін иеленді.
Жартылай жеңіл салмақтағы "уақытша" чемпиондық белбеу үшін 24 жастағы Жәнібек Тыныштық (7-0) 28 жастағы ресейлік Гаджимурад Гасангусейновпен (13-4) кездесті. Айқас 5 раундқа жоспарланғанымен толық қашықтыққа жеткен жоқ.
Екінші раундта Тыныштық қарсыласын төсенішке (канвасқа) қысып, үстем позициядан жауапсыз соққылар сериясын жаудырды. Осы әрекеттен кейін төреші жекпе-жекті тоқтатып, қазақстандық спортшыға техникалық нокаут (ТКО) бойынша жеңісті берді.
Техникалық нокауттың видеосы төменде.
Бұл жеңістің арқасында Жәнібек Тыныштықтың кәсіби рекорды 8 жеңіс – 0 жеңіліс (8-0) болып жақсарды және ол уақытша чемпион атанды. Ал Гаджимурад Гасангусейнов мансабындағы бесінші жеңілісін тіркеді.
