Челябі қаласында өткен RCC Boxing Promotions бокс кешінде бірінші жартылай орта салмақта титулдық жекпе-жек өтті. Қазақстандық боксшы Рай Сейітжанов (12-1, 8 KO) рингке шығып, жеңіліп көрмеген ресейлік чемпион Иван Козловскиймен (12-0, 4 KO) қолғап түйістірді.
Бұл кездесуде Eurasian Boxing Parliament ұйымының чемпионы атағы үшін айқас болды. Белдік сол сәтте Козловскийдің еншісінде еді. Ресейлік боксшы өз титулын қорғауға шықса, Сейітжанов чемпиондық белбеуге таласты.
Айқастың алғашқы минуттарында Рай Сейітжанов рингтің ортасын алуға тырысып, күшті соққыларға сенім артты. Дегенмен Козловский қарсыласынан жылдамдық және алдыңғы қолмен жұмыс жағынан басымдық көрсетіп, дистанцияны сауатты бақылап отырды.
Жекпе-жек ортасына қарай ресейлік боксшының үстемдігі анық байқалды. Қорғанысты апперкоттармен және хукпен бұза білді. Сейітжанов қарсыластың қозғалысына ілесе алмай, жиі дәл соққылар өткізіп алды.
Сейітжанов қысымды тоқтатпауға тырысқанымен, Козловский рингтегі жағдайды толық бақылауда ұстады. Қазақстандық боксшының мұрны қатты жарақаттанып, айқас барысында көп соққы дарыды.
Нәтижесінде қарсыластың айқын басымдығына байланысты Рай Сейітжанов соңғы, 10-раундқа шыққан жоқ.
Иван Козловский техникалық нокаутпен (ТКО) жеңіске жетіп, Eurasian Boxing Parliament чемпионы атағын сақтап қалды. Ал Рай Сейтжанов үшін бұл нәтиже кәсіпқой мансабындағы екінші жеңіліс болды.
