Қазақстандық еркін күрес шебері Ризабек Айтмұхан Албанияның Тирана қаласында халықаралық Мухамет Малоны еске алу турнирінде қола жүлде иегері атанды.
Айтмұхан 97 кг дейінгі салмақ дәрежесінде үндістандық Джойнти Кумармен күресті. Қазақстандық балуан қарсыласын мерзімінен бұрын ұтып, кездесуді небәрі 23 секундта аяқтады.
Белдесу нәтижесі — 10:0. Осылайша Ризабек Айтмұхан турнирдің қола жүлдегері атанды.
Бұған дейін Айтмұхан жарыстың жартылай финалында Ресей құрамасының көшбасшысы, екі дүркін Олимпиада чемпионы және бес дүркін әлем чемпионы Абдулрашид Садулаевқа жол берді. Бұл кезеңдегі белдесу 14:3 есебімен аяқталған.
