Нұрсұлтан Қыстаубай Таиланд астанасы Бангкокте өтіп жатқан U-19 World Boxing Futures Cup халықаралық турнирінде сәтті өнер көрсетті.
Нұрсұлтан Қыстаубай 85 келіге дейінгі салмақ дәрежесінің ширек финалында Джахонгир Рузибоевпен кездесті. Жекпе-жек алғашқы раундтың өзінде аяқталды.
Қазақстандық боксшы қарсыласын бірінші раундта екі мәрте нокдаунға түсірді. Осыдан кейін төреші айқын басымдықты байқап, кездесуді мерзімінен бұрын тоқтатты.
Осы жеңістің арқасында Нұрсұлтан Қыстаубай турнирдің жартылай финалына жолдама алып, кем дегенде қола жүлдені қамтамасыз етті.
Айта кетейік, World Boxing ұйымының U-19 санатындағы Futures Cup турнирі 15 наурызға дейін жалғасады. Байрақты бәсекеде Қазақстан жастары жүлде үшін таласты жалғастырып жатыр.
