Жалғас Жұмағұловтың кезекті жекпе-жегі белгілі болды
Айқас сәуірдің 11-і күні өтеді. Қарсылас әзірге белгісіз.
Қазақстандық ММА жұлдызы Жалғас Жұмағұловтың келесі жекпе-жегінің күні ресми түрде анықталды.
Жекпе-жек Алматыда өтеді
- 11 сәуір күні;
- Алматы Арена;
- IBA Nomad турнирі аясында өнер көрсетеді.
Әзірге оның қарсыласы ресми түрде жарияланған жоқ.
Жаңа форматтағы алғашқы жекпе-жек
Бұл кездесу Жалғас Жұмағұлов үшін ерекше болмақ. Себебі ол алғаш рет Nomad форматында жұдырықтасады.
Форматтың ерекшеліктері:
- жекпе-жек бокс рингінде өтеді;
- спортшылар ММА қолғаптарын қолданады;
- клинч кезінде иықпен соққы жасауға рұқсат.
Яғни, бұл формат классикалық ММА мен бокстың аралас нұсқасы саналады.
Айта кетейік, Жалғас Жұмағұлов бұрын UFC-де өнер көрсетті. Кейін еуропалық Oktagon лигасының чемпионы атанды.
Ол қазіргі таңда қазақстандық ММА-ның ең тәжірибелі файтерлерінің бірі саналады.
Қазақстандық спортшы соңғы рет 2025 жылдың желтоқсанында чехиялық Давид Дворжакқа қарсы шықты. Бұл жекпе-жекте Жұмағұлов қарсыласын мерзімінен бұрын жеңіп, чемпиондық титулын сәтті қорғады.