Әйелдер күресінен Азия чемпионатында ел қоржынына екінші медаль түсті
Шұғыла Өмірбек Вьетнамда 23 жасқа дейінгі Азия чемпионатында алтын медаль жеңіп алды.
Instagram/@_shuqyla_
Вьетнамның Дананг қаласында әйелдер күресінен 23 жасқа дейінгі балуандар арасында Азия чемпионаты өтіп жатыр. Құрлықтық додада Қазақстан құрамасының өкілі Шұғыла Өмірбек ел қоржынына кезекті жүлдені салды.
55 келіге дейінгі салмақ дәрежесінде белдескен отандасымыз финалда жарыс қожайыны, вьетнамдық Ти Дангпен кездесті. Шешуші белдесуде Өмірбек толық басымдық танытып, қарсыласына мүмкіндік берген жоқ.
Финалдық кездесу Қазақстан балуанының пайдасына 8:0 есебімен аяқталды. Осылайша Шұғыла Өмірбек 23 жасқа дейінгі Азия чемпионатының алтын медалін иеленді.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet