Қуат Хамитов Арман Царукянға ескерту жасады
Жуырда Арман Царукян америкалық Тони Фергюсонды жеңген болатын.
Қазақстандық аралас жекпе-жек шебері Қуат Хамитов америкалық Тони Фергюсонды жеңген Арман Царукянға қатысты мәлімдеме жасады.
Хамитов әлеуметтік желідегі парақшасында қарсыласын жеңісімен құттықтап, алдағы жекпе-жекке де ишара жасады.
"Арманды жеңісімен құттықтаймын! Бірақ мен Тони Фергюсон да, Пуллас та емеспін. Мен басқа деңгейдегі жыртқышпын!" – деп жазды қазақстандық спортшы.
Қуат Хамитов пен Арман Царукян жекпе-жегі
Еске сала кетейік, Қуат Хамитов пен Арман Царукян RAF (Real American Freestyle) ұйымының турнирінде күш сынасады. Кездесу 11 шілде күні Грузия астанасы Тбилисиде өтеді.
Бұған дейін АҚШ-тың Сент-Луис қаласында өткен RAF 10 турнирінде Царукян UFC-дің бұрынғы жұлдызы Тони Фергюсонмен белдескен еді. Жекпе-жек армян файтерінің айқын басымдығымен өтіп, екінші раундта мерзімінен бұрын аяқталды.
Айта кетейік, бұл Царукянның RAF ұйымындағы жетінші кездесуі болды. Ал Фергюсон үшін аталған промоушендегі алғашқы белдесу еді.