Бауырдан тиген жойқын соққы: Жалғас Өтебеков қарсыласын бірінші раундта құлатты (ВИДЕО)
Қазақстандық боксшы Джакартада жастар арасындағы Азия чемпионатының жартылай финалына шықты.
Мерзімінен бұрынғы жеңіс
Жалғас Өтебеков 90 келіге дейінгі салмақ дәрежесінің ширек финалында Қытай Тайбэйінің өкілі Жуи-Хси-Куомен кездесті.
Қазақстандық боксшы алғашқы раундтан-ақ белсенді қимылдап, қарсыласының осал тұсын дәл тапты. Өтебеков бауыр тұсына жойқын соққы жасап, қарсыласын нокаутқа түсірді.
Кемінде қола жүлде алды
Ширек финалдағы сенімді жеңіс Жалғас Өтебековке жастар арасындағы Азия чемпионатының жартылай финалына жолдама берді.
Сонымен қатар Қазақстан құрамасының қоржынына кемінде қола медаль түсірді. Енді отандасымыз финалға шығып, алтын жүлде үшін күресуге мүмкіндік алуға тырысады.
Өтебеков финал жолдамасы үшін қырғызстандық Айтбек Бердімұратов пен ливиялық Адам Маадарани арасындағы кездесудің жеңімпазымен жұдырықтасады.