Азия чемпионаты. Қазақстан төртінші алтын медаль жеңіп алды (ВИДЕО)
Гүлназ Бөрібаева Джакартада 23 жасқа дейінгі боксшылар арасындағы Азия чемпионатының жеңімпазы атанды.
Моңғолиялық боксшыдан басым түсті
Бөрібаева 48 келіге дейінгі салмақ дәрежесінің финалында Содон-Од Биндериямен жұдырықтасты. Шешуші кездесуде қазақстандық боксшы қарсыласынан айқын басым түсіп, төрешілердің бірауыздан шығарған шешімімен жеңіске жетті.
Осылайша Гүлназ Бөрібаева Азия чемпионатының алтын жүлдесін иеленді.
Қазақстан қоржынына төртінші алтын медаль түсті
Гүлназ Бөрібаеваның жеңісі Қазақстан құрамасына 2026 жылғы жастар арасындағы Азия чемпионатындағы төртінші алтын жүлдені алып келді.
Айта кетейік, Джакартадағы құрлықтық дода 3–16 шілде аралығында U-19 және U-23 жас санаттары бойынша өтіп жатыр.
Қазақстан атынан жарысты бастаған 39 боксшының 22-сі финалға жолдама алды. Оның ішінде U-19 санатында тоғыз, ал U-23 санатында 13 боксшы алтын медаль үшін бақ сынайды.