Ризабек жуырда ғана Испанияда 20 жасқа дейінгі спортшылар арасында өткен әлем чемпионатында топ жарған еді.
Жерлесіміз қазан айының соңында 23 жасқа дейінгі жастар арасындағы дүниежүзілік біріншілікте бағын сынамақ. Бұл туралы балуанның жеке бапкері Қанат Жолдасбеков хабарлады. Оның айтуынша, Ризабек олимпиадалық салмаққа толығымен үйренісіп болған. Жарты жылда үздік сегіздікке кіретін балуандардың бәрімен күресіп шыққан. Албанияда өткелі жатқан әлем чемпионатында дәл осы салмақтың үздіктері жиналады. Сондықтан, бапкер мен шәкірт 20-шы қыркүйектен бастап қайтадан жаттығу жұмыстарын бастамақ. Айта кетейік аталған турнир 21-27 қазан аралығында Албания астанасы Тиранада өтеді.
