Бокстан Қазақстан Ұлттық құрамасының капитаны Асланбек Шымбергеновтің орнына жаңа капитан тағайындалды.
Ұлттық құраманың жаңа капитаны - 92 келі салмақ дәрежесінде жұдырықтасатын Айбек Оралбай. Париж Олимпиадасында жерлесіміз жүлделі орыннан көріне алмады. Ширек финалда әзербайжандық Альфонсо Домингеске есе жіберген болатын.
Айта кетейік, Айбек Оралбай 2018 жылғы жасөспірімдер арасындағы олимпиада ойындарының жеңімпазы. 2021 жылғы ересектер арасындағы әлем чемпионатында қола жүлде еншіледі. 2022 жылы Азия біріншілігінде топ жарды.
