Қазақстандық боксшы бүгін Ирландияда кезекті жекпе-жегін өткізген болатын.
Супер орта салмақ дәрежесінде өнер көрсететін отандасымыз бүгін француз Пьер Юбер Дибомбемен жұдырықтасты. Жекпе-жек барлық 10 раундқа созылып, Ахмедов төрешілердің шешімімен жеңіске жетті. Бұл – қазақстандық спортшының кәсіпқой бой мансабындағы 22-ші жеңісі.
Айта кетейік, бұл – Әли Ахмедовтың осы жылы өткізген үшінші жекпе-жегі. Бұған дейін ол Карлос Риверо және Энкарнацион Диасты мерзімінен бұрын жеңген болатын.
