Бұл туралы қазақстандық боксшы өзінің Х әлеуметтік желідегі парақшасында жазды.
Жәнібек Әлімханұлы (16-0, 11 KO) өзінің Х әлеуметтік желідегі парақшасында келесі жекпе-жегі кімге қарсы өтетінін тұспалдады. Қазақстандық боксшы британдық Хамза Шираздың (21-0, 17 KO) суретімен бірге өзінің фотосын жариялап, «Жақында ма? Әлде қалай?», деп жазды Әлімханұлы.
Еске сала кетейік, бұған дейін Дүниежүзілік бокс ұйымы (WBO) Әлімханұлы мен Ширазға жекпе-жек өткізуді міндеттеген еді. Жәнібек WBO нұсқасы бойынша орта салмақта әлем чемпионы, сондай-ақ IBF чемпиондық белбеуінің иегері. Шираз — WBC Silver, EBU European чемпиондық белбеулерінің және Бокс кеңесінің Достастық белбеуінің иегері. Әлімханұлы өзінің соңғы жекпе-жегінде жаңазеландиялық боксшы Андрей Михайловичті (21-1, 13 KO) тоғызыншы раундта нокаутқа түсірген болатын.
