Қазақстан дзюдо құрамасы әскерилер арасындағы әлем чемпионатында командалық жарыстың қола жүлдесін жеңіп алды.
Қазақстан дзюдодан әскери қызметкерлер арасындағы әлем чемпионатында тарихи медальға қол жеткізді.
Ерлер арасындағы Қазақстан дзюдо құрамасы әскерилер арасындағы әлем чемпионатында командалық жарыстың қола жүлдесін жеңіп алды. Үшінші орын үшін өткен кездесуде Қазақстан құрамасы Италияны 3:1 есебімен жеңді.
Ташкентте (Өзбекстан) өткен әлем чемпионатында Қазақстан жеребе нәтижесінде В тобына түсті. Бірінші айналымда қазақстандық команда Францияны 4:1 есебімен сенімді түрде жеңгенімен, екінші айналымда Оңтүстік Кореядан 2:3 есебімен ұтылды. Оңтүстік Корея финалға шыққандықтан, Қазақстан «қола» үшін күресуге мүмкіндік алды.
Жерлестеріміз Испания мен Алжирді 3:0 есебімен жеңіп, үшінші орын үшін шешуші кездесуде Италиямен кездесіп, қола медальға ие болды.
