Қазақстандық былғары қолғап шебері бірнеше рет Канелоның андеркартында жекпе-жек өткізген.
Қазақстандық кәсіпқой боксшы Әбілхан Аманқұл (4-0-1, 4 KO) ұлттық құрамаға қайтып келді. Бұл туралы Қазақстан бокс федерациясының баспасөз қызметі хабарлады.Осылайша, Әбілхан бағын әуесқой бокста сынап көрмек екен.
«Кәсіпқой бокста болдым. Бірақ, ол жақта бір жарым жылдай жекпе-жек болмады. Жаттығу жасап жүрдім. Соңғы екі ай демалып, енді міне, ұлттық құрамамен бірге жаттығып жатырмын. Қазақстан чемпионатынан бастасам деген ойым бар», - деді боксшының өзін.
Айта кетейік, 27 жастағы Аманқұл әлем чемпионатының және Азия ойындарының күміс жүлдегері, Азия чемпионатының қола жүлдегері.
Ал кәсіпқой бокста 5 жекпе-жек өткізіп, төртеуінде жеңімпаз деп танылды. Бір кездесуде қарсыласымен тең тарқасты.
