Екі салмақ дәрежесінде UFC-дің бұрынғы чемпионы Даниэль Кормье жартылай жеңіл салмақтағы қазіргі титул иегері Илия Топурияның (16-0) америкалық Макс Холлоуэй (27-7) үстінен жеңісіне пікір білдірді, деп хабарлайды Penalty.kz.
UFC 308 турнирінде, Абу-Дабиде өткен жекпе-жекте Топурия үшінші раундта нокаутпен жеңіске жетті, ал Холлоуэй алғаш рет нокаутпен жеңілді.
"Біз бұл салмақта Топуриядай ауыр соққы жасайтын адамды бұрын көрген емеспіз. Оның соққысы ерекше күшті. Конон МакГрегорда да осы салмақта қуатты соққы болғанымен, оның бокстағы техникасы дәл Топуриядай емес еді. Кейбір адамдар Топурияны Геннадий Головкинмен салыстырады. Есіңізде ме, Головкин мансабында қарсыластарын оңай жеңетін еді? Топурия да сондай," — деді Кормье өз YouTube арнасында.
Еске сала кетсек, Головкин кәсіпқой рингте 42 жеңіске жетіп, оның 37-сін нокаутпен аяқтаған. Ол орта салмақта WBC, WBA, IBF және IBO нұсқалары бойынша әлем чемпионы атағына ие болған. Головкин орта салмақта нокауттардың ең жоғары пайызы бойынша Гиннестің рекордтар кітабына енген және Бернард Хопкинстің чемпиондық титулды сәтті қорғау рекордын жаңартқан.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
