Сабырхан Төрехан әлем чемпионы атанды

Қазақстандық боксшы Сабырхан Төрехан Будва (Черногория) қаласында өткен бокстан жастар арасындағы 2024 жылғы әлем чемпионатында “алтын” алды. Бұл ел қоржынына түскен алғашқы алтын медаль. 

67 келіге дейінгі салмақ дәрежесінде өткен финалдық жекпе-жекте Сабырхан кубалық Давид Эспиносамен кездесіп, төрешілердің бөлек шешімімен жеңіске жетті.

Айта кетсек, Сабырхан шеберлігі жағынан өте ерекше боксшы саналады. Ол жасөспірімдер және жастар арасында төрт дүркін Азия чемпионы атанған алғашқы спортшы.