Черногорияда өткен жастар арасындағы бокстан 2024 жылғы әлем чемпионатында Қазақстан құрамасы 6 "алтын" иеленді.
Черногорияда (Будва) өткен жастар арасындағы бокстан 2024 жылғы әлем чемпионатында жүлдегер атанған қазақстандық боксшылардың табыстары белгілі болды.
Бұл турнирде Қазақстан командасы медаль саны бойынша бірінші орынды иеленді. Жалпы есепте қазақстандықтар 17 медальға қолжеткізді: алты "алтын", бір "күміс" және он "қола".
Халықаралық бокс ассоциациясы (IBA) чемпиондар мен жүлдегерлерге мынадай сыйақы мөлшерін белгіледі: алтын медаль үшін – 8 000 АҚШ доллары, күміс медаль үшін – 4 000 доллар, ал «қола» үшін – 2 000 доллар. Сондай-ақ, ширек финалға шыққан спортшылар үшін – 1 000 доллардан қарастырылған.
Осылайша, алтын медаль үшін қазақстандық боксшыларға жалпы 48 000 доллар, күміс медаль үшін 4 000 доллар және қола медальдар үшін 20 000 доллар беріледі. Бір ширек финалист 1 000 доллар алады.
Жастар арасындағы әлем чемпионатының қорытындысы бойынша қазақстандық спортшылардың жалпы табысы 73 000 АҚШ долларын құрады.
