Ол құрама спортшыларының жаттығу процесіне жетекшілік етеді.
Аты аңызға айналған италиялық маман, олимпиада чемпионы әрі әлем чемпионатының екі дүркін күміс жүлдегері Эцио Гамба дзюдодан Қазақстан құрамасымен жұмыс істеуге кірісті.
Оның командасына Еуропаның 2 дүркін чемпионы және әлем біріншілігінің күміс жүлдегері Роберт Мшвидобадзе, Еуропа чемпионатының күміс жүлдегері Батрадз Кайтмазов сондай-ақ, жапониялық маман Цуёси Цунода кіреді.
Айта кетейік, Гамбаның жетекшілігімен Италия құрамасы Сидней Олимпиадасында жоғары нәтижеге қол жеткізді. Құрама бір алтын, үш қола медаль иеленді. Ресей құрамасымен жұмыс кезінде Лондон олимпиадасында 3 алтын, 1 күміс және 1 қола еншіледі.
