Бұл жарысқа шет мемлекеттерден 300-ден аса әскери спортшы қатысқан болатын.
Астанада қоян-қолтық ұрыстан Қорғаныс министрлігінің жүлдесі үшін әлем кубогы жолындағы жарыс аяқталды. Бұл жарысқа шет мемлекеттерден 300-ден аса әскери спортшы қатысты. Жекпе-жек шеберлері Жақсылық Үшкемпіров атындағы кешенде екі күн бойы бірнеше салмақта кім мықтыны анықтады.
62 және 88 келіде, сондай-ақ ауыр салмақ дәрежесінде жерлестеріміз Айдын Нұриддинов, Бекзат Ақтанов пен Мейрамбек Алматов топ жарды.
Қыздар арасында Эмилия Ларионова 53 келі салмақта чемпион атанса, Талшын Жұматаева 58 келі салмақта алтыннан алқа тақты.
Жалпы командалық есепте Өзбекстан командасы топ жарды. Қазақстан құрамасы екінші орыннан көрінді. Белорусь спортшылары үздік үштікті түйіндеді.
"Биыл әскери спортшылар 400 медаль ұтып алды. Және 70 спорттық іс-шара өткіздік. Келесі жылы осы әскери қызметшілер арасында тұңғыш рет астанада тамыз айында әлем чемпионаты өтеді. Қазақ күресінен", - Қорғаныс министрлігі спорт комитетінің төрағасы Арман Әбеуов.
