Ал оның сыңары Айбек бүгінде отбасылы.
Бокстан Париж олимпиадасының күміс жүлдегері Нұрбек Оралбай тележүргізуші Динара Сәтжанның бағдарламасында қонақта болып, жеке өміріне қатысты сауалға жауап берді.
Бір айта кетерлігі, Нұрбектің сыңары Айбек үйленіп, отбасын құрған. Ал, өзі сүйіктісін әлі кездестірмепті.
«Жүрегім бос. Әлі ұнайтын қызды жолықтырған жоқпын. Айбек үйленген соң біз Олимпиадаға дайындыққа кірістік, себебі басты мақсат – Олимпиадаға қатысу болды. Медаль алу үшін тынымсыз жаттығу жасадық. Қазір қыз іздеп жүрмін, өйткені бұған дейін уақыт болған жоқ», - деді Нұрбек Оралбай.
Париж олимпиадасында Нұрбек Оралбай финалдық жекпе-жекте украиналық Александр Хижняктан жеңілді. 24 жастағы боксшы Қазақстанның ерлер құрамасынан жүлде алған жалғыз боксшы.
