Байрақты бәсекеде 10 елдің мықтылары бақ сынады.
Қазақстан құрамасы корей күресінен әлем чемпионатына қатысты. Оңтүстік Чолла провинциясында өткен турнирге 10 елдің спортшылары жиналды. Олар 140 келіге дейінгі салмақ дәрежесінде белдесті.
Ел намысын қазақ күресінің чемпиондары Қайсар Шамшидин мен Алтынбек Аусағитов қорғады. Қайсар қарсыласын екі белдесуде жеңіп, үшінші кездесуде испаниялық Рауль Менсеге есе жіберді.
Корей күресінің алғашқы халықаралық чемпионаты 2011 жылы өткен. Корей күресінің ерекшелігі - спортшылар құмда сырт киімсіз белдеседі. Біздің құрама бұл жарысқа осымен төртінші рет қатысып отыр.
