Оның бірі өзбекстандық былғары қолғап шебері болатын.
Таиландтың Чиангмай қаласында бокстан ерлер мен әйелдер арасында өтіп жатқан Азия біріншілігінің екінші жарыс күні екі спортшымыз шаршы алаңға шықты.
Алдымен 57 келіге дейінгі салмақта өнер көрсететін Оразбек Асылқұлов малайзиялық Мұхамад Зүльхайнмен жұдырықтасты. Отандасымыз бұл кездесуді мерзімінен бұрын аяқтады. Қарсыласын екінші раундта нокаутқа жіберді. Енді Оразбек 5-желтоқсан күні ширек финалда шаршы алаңға шығады.
60 келіге дейінгі салмақта жұдырықтасатын боксшымыз Бейбарыс Жексен болса, бұл күні өзбекстандық Дилшод Абдумуродовпен шеберлік байқасты. Бірінші раундта Бейбарыс 3:2 есебімен алда тұрды. Екінші кезеңде де төрешілер басымдықты Жексенге берді. Қорытынды есеп – 4:1. Бейбарыс жеңді. Осылайша Бейбарыс та жартылай финалға шығу мүмкіндігіне ие болды.
Еске сала кетейік, Азия чемпионаты басталмай жатып Қазақстан 6 медальға қол жеткізді.
