Жарыс Қарағанды қаласында өтті.
Қарағандыда күрес түрлерінен халықаралық турнир өтті. Ол Кеңес Одағының батыры Нұрбек Әбдіровты еске түсіруге арналды.
Жарысқа еліміздің барлық аймағынан және Әзербайжан, Өзбекстан, Қырғызстаннан балуандар келді. Биылғы білектілер бәсекесіне 500-ден аса спортшы жиналды. Жарты ғасырдан аса тарихы бар турнирге бұрын-соңды мұншалықты балуан қатысқан емес.
Жарыстың алғашқы күні грек-рим күресінің мықтылары анықталды. Бес салмақтың үшеуінде қырғыз жігіттерінің мерейі үстем болды.
Ал 55 келіде жерлесіміз Нариман Бекімов топ жарды. 63 келіде тәжірибелі Дастан Зарлыханов жарыс жеңімпазы атанды.
Енді боз кілемге еркін және әйелдер күресінің балуандары шығады.
