Махмұд Сабырхан Қазақстан ерлер құрамасының жүлде қоржынын алғашқы алтын медальмен толтырды
"Алтын" үшін айқаста Махмұд жастар арасындағы әлем чемпионы Шахзод Музафаровпен қолғап түйістірді. Төрешілер қазақстандық боксшыны жеңімпаз деп таныды.
Махмұд Сабырхан әлем чемпионатының алтын және күміс жүлдегері саналады. 2022 жылы Азия біріншілігінде күміс медаль еншілеген. Сонымен қатар жастар арасындағы ӘЧ-2018 қола медаль иегері.
