Қазақстандық Абылайхан Жүсіпов пен өзбекстандық Хавасбек Асадуллаев арасындағы Азия чемпионатының финалдық жекпе-жегінде әділдік қалпына келтірілді, деп хабарлайды Penalty.kz
Бастапқыда төрешілер Асадуллаевтың пайдасына бірауыздан шешім шығарып, алтын медальды оған тапсырған болатын. Алайда кейіннен Қазақстан бокс федерациясы қарсыластың тістеу арқылы ережені өрескел бұзғанын дәлелдеп, наразылық білдірді.
Азия бокс конфедерациясының (ASBC) техникалық делегаты тәртіп бұзушылықты растап, Асадуллаевты дисквалификациялады. Соның нәтижесінде Жүсіпов заңды жеңімпаз деп танылып, алтын медаль Қазақстан қоржынына қайта оралды.
Бұл қайта қараудан кейін Қазақстанның Азия чемпионатындағы нәтижесі бес алтын, төрт күміс және бір қола медальмен қорытындыланды.
