UFC-де жолы болмаған қазақстандық файтер Жалғас Жұмағұлов биік белестерді бағындыруға ниетті.
Жуырда Жалғас Жұмағұлов Oktagon еуропалық лигада тырнақалды жекпе-жегін өткізгенде көпшілікті тамсандырды. Аарон Эбиден айласын асырған ол чемпиондыққа үміткер атанды. Oktagon лигасының басшылығы да жеңісіне жоғары баға берді.
Лига қазақстандыққа титул үшін айқасуға келісім берді. Жақын арада ол белбеу үшін тыңғылықты дайындыққа кіріспек. Ең жеңіл салмақтағы Oktagon титулы Сэм Кризидің еншісінде. Чемпионның рекорды мынадай: 22 жеңіс және алты жеңіліс.