Александр Усик пен Тайсон Фьюри арасындағы бокс жекпе-жегінен кейін әлемнің экс-чемпионы Карл Фрэмптон пікір білдірді.
Ирландиялық бокс ардагері Тайсон Фьюридің өнер көрсетуі соншалықты жоғары болмағанын айтып отыр. ТalkSPORT Boxing-ке берген сұхбатында ол “сыған патшасының” жекпе-жектегі әрекеттерін епті емес деп сипаттап, артық салмағын сынға алды.
Фрэмптон Фьюридің ауыр салмағы оның шаршауына және жеңіліске ұшырауына негізгі себеп деп санайды.
Тайсон Фьюри үшін Усиктен екінші рет жеңілу кәсіби мансабындағы алғашқы келеңсіз жәйт. Қазір 36 жастағы ағылшын боксшысы барлығы 37 жекпе-жек өткізіп, оның 34-інде жеңіске жеткен. Оның екеуінде Усиктен ұтылса, бір айқаста тең түскен.
Сонымен қатар британиялық боксшы Дэвид Хэй жекпе-жектің қорытындысына наразы екенін атады. Оның сөзінше, Тайсон қолынан келгеннің бәрін жасай алған. Бірақ төрешілер шешімі әділетсіз болды дегенді алға тартады.
