UFC-дің бас директоры Дана Уайт жеңіл салмақтағы чемпион Ислам Махачевтің бразилиялық Ренато Мойканоға қарсы жеңісі туралы пікір білдірді.
UFC 311 турнирі Лос-Анджелесте (АҚШ) өткен.
"Ислам – менің салмаққа тәуелсіз рейтингімдегі бірінші нөмір. Сендер бұған риза шығарсыңдар деп үміттенемін", – деді Уайт турнирден кейінгі баспасөз мәслихатында.
33 жастағы Ислам Махачев UFC-де 2015 жылы дебют жасаған. 2022 жылдың қазан айында ол жеңіл салмақта чемпиондық титулды жеңіп, содан бері оны төрт рет сәтті қорғады. Оның UFC-дегі статистикасы 16 жеңіс пен бір ғана жеңілістен тұрады.
