Суперорта салмақтың (76,2 кг дейін) абсолютті экс-чемпионы, қазіргі үш титулдың иегері мексикалық Сауль "Канело" Альварес (62-2-2, 39 КО) пен төрт салмақты бағындырған америкалық Теренс Кроуфорд (41-0, 31 КО) арасындағы жекпе-жек күздің алғашқы айына белгіленді.
Қос боксшы күздің алғашқы айында жұдырықтасу жөнінде келісімге келгені 10 күн бұрын белгілі болған.
Ал бүгін ESPN шолушысы Майк Коппинджер тараптар маңызды жәйттерді бекітіп алды деген ақпарат таратты. Ашығын айтқанда ресми салмақ өлшеу рәсімінен кейін әр боксшыға ағзасына қажетті салмақ қосуына шектеу қойылмайды.
