Джалолов өзін сан соқтырған боксшыны кәсіпқойда "жазаламақ"
Суперауыр салмақта Олимпиаданың екі дүркін чемпионы болған өзбекстандық Баходир Джалолов (14-0, 14 КО) британиялық Джо Джойспен (16-3, 15 KO) кәсіпқойда қарымта өткізу туралы сұраққа жауап берді.
Қарсыластар әуесқойда кездескен. 2016 жылғы Рио Олимпиадасының 1/4 финалында Джойс Баходирді ұпай санымен жеңген. Енді Джалолов есесін кәсіпқойда қайтаруға ниетті.
“Егер осындай жекпе-жекті ұйымдастырып берсе, мен қуанышты боламын", - дейді өзбекстандық боксшы Round Eight Boxing-қа берген сұхбатында.
Сонымен бірге, Джалолов кәсіпқойда қашан жоғары деңгейге көтерілетінін айтты.
"Мен үлкен жекпе-жектерге дайынмын. Бірақ алдымен бір-екі айқас өткізіп алу керек көбірек раунд жұмыс істеп. Мен әуесқойдан енді ғана кеттім. Алдымен бір-екі айқаста бой үйретсем, кейін кез келген қарсыласқа дайын боламын", - дейді ол.
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.