Ташкентте аса ауыр салмақтағы боксшылар жекпе-жегімен Өзбекстан чемпионаты мәреге жетті.
92 келіден жоғары салмақтың алтын жүлдесіне этникалық қазақ Арман Маханов пен Джахонгир Зокиров таласты. Мамандар Зокировты Олимпиаданың екі дүркін чемпионы, даңқты Баходир Джалоловтың ізбасары деп біледі. Төрешілер үш раундқа созылған жекпе-жекте Джахонгирды бірауыздан жеңімпаз деп таныды. Оған қоса Маханов екінші раундта нокдаунға түскен еді.
Еске сала кетейік, қос қазақ Өзбекстан чемпионы атанды. 60 келіге дейін салмақ дәрежесінің финалында Мадияр Данияров Шохрух Абдумаликовты сан соқтырса, ал 63,5 келіде әлем және Азия чемпионы Руслан Абдуллаевтың мерейі үсітем болды.
