Бұл туралы ҚР Спорт комитеті хабарлады.
Бокстан әлем чемпионы Мерей Ақшалов спорт саласындағы еңбегі үшін құрмет белгісімен марапатталды.
“Қазақстан Туризм және спорт министрлігі Спорт және дене шынықтыру комитетінің төрағасы Руслан Есеналин Қазақстан бокс федерациясының бас хатшысы Мерей Ақшаловқа ТМД парламентаралық ассамблеясының құрмет белгісін табыстады”, – делінген хабарламада.
Бұл марапат «Дене шынықтыру, спорт және туризм саласының дамуына қосқан үлесі үшін» берілді.
Естеріңізге сала кетейік, Мерей Ақшалов бокстан халықаралық дәрежедегі спорт шебері, "Құрмет" орденінің иегері. Бокстан 2013 жылғы Азия және әлем чемпионы.
Бүгінде атақшы спортшы еліміздің бокс федерациясының бас хатшысы қызметін атқарады.
