Румыниялық промоушен ұйымдастырған ерлер мен әйелдер арасындағы жекпе-жек қызу талқылауға себеп болды.
Real Xtreme Fighting (RXF) промоутерлік компаниясы екі ер адам мен үш әйел арасындағы жекпе-жекті ұйымдастырды.
Жекпе-жекке қатысушылардың арасында Instagram-да танымал жұлдыздар, соның ішінде OnlyFans платформасында эротикалық контент жасайтын Алисия Бонита (Alicia Bonita) болды. Дениса Костя мен Мария Адриана да рингке шықты.
Айқас алдында ақ түсті киім киген бойжеткендер камера алдында би билеп, ерекше шоу көрсетті. Олардың қарсыластары – Костица Присекару мен Себастьян Рекину болды.
Ерлер жекпе-жек барысында қарсыластарын аямады, тіпті ауыр соққылар жасады.
Нәтижесінде, Присекару мен Рекину айқын жеңіске жетті. Бірақ Адриана төрешілердің шешіміне келіспей, қарсыласының аяғын тебуге тырысты.
Бұл оқиға әлеуметтік желіде кеңінен талқыланып, негативті пікірлерге ие болды. Көптеген қолданушылар ”жиіркенішті” деп сын айтты.
Бір жанкүйер “Бұл неге әлі күнге дейін рұқсат етілген?” деген риторикалық сұрақ қойды.
